Historia

XX. mendeko musika bezala ezagutzen dena I Mundu Gerratearen ostean du bere hasiera, zehazki dodekafonismoaren agerpenari lotuta agertzen da. Garai horretan musikaren inguruan esperimentazio ugari egiten da eta musika estilo asko eta korronte ezberdinak agertzen dira.

Ezaugarri orokorrak.
Etengabeko berrikuntza eta originaltasunaren bilaketa izango dira garai honetako ezaugarri nagusia.
Irratia eta gainontzeko komunikabideen garapenarekin eta hedapenarekin musika inoiz baino arinago helduko da entzuleengana, eta hauek arinago epaitzeko aukera izango dute. Honen ondorio zuzen bat, entzulegoa originaltasuna baloratuko duela izango da, hau da, estilo berriak berehala bereganatzen ditu eta gauza berriak bilatuko ditu, berriro txundituko duen zerbait nahi du.
Konpositoreek ere, berehala jasotzen dute gainontzekoek egiten dutenaren berri eta originaltasunaren bila arituko dira.